aksar aainaa mera,

mujhse kaha karta hai..

ki "jeet" teri har jeet,

mujhe teri haar sa dikhta hai..

samajh nhi sakta aaina mera,

gar samajh bhi jaaye ,shayad thaam na sake usse,

ki 'kaanch' uska,

tapa nahi hain mere 'kaanch' sa,

na samajh sakega woh,

kaise kisi ke aawazon ki khanak se,

boontein hain mirg-marichikaon ko,

jaanta hoon main jhaank nahi sakta woh, khud mein,

jaise main, jhaankta hoon khud ko uss mein,

par,aaj shayad mere aaine ne,

sunn li aap se meri bahas,

nikaal haath,thaam liya haath mera,

puchha-“arey chitrakaar  mere,

yeh jo tum ranga karte ho,badan par meri apni kalpana,

rangte kyun nahi waise duniya kabhi apni  ?”

hans pada main,ya shayad aah bhari maine,

kaha aaine se,dost,

jo bhitar hai mere..

jo chahta hoon main,zindgi se…

shayad hadein badi nahi hain utni,duniya ki,abhi..

jo samet sake usse..

ya fir mera 'kaanch' bhi ,

majboot nahi hai itna shayad,

jo bikhare na jaan hadein,

duniya ki aur ‘apni’..

puchkaara aaine ko,

“arey paagal andar tere,

Sansaar se vishaal ek samdrishya sansaar hai chhupa,

Toh padi ha kya  mujhe,jhaankane ki,

Iss banavati jhhuthhe  adhurey yathaarth mein",

Lagta hai,samajh gaya shayad aaina mera ab,

ki Hai kam kitna farq,meri “jeet” aur meri haar mein..

-ABHIJEET ANAND “JEET” (06/april/2011)